ڈگری کالج اور یونیورسٹی اساتذہ کے لیے اُردو ریفریشر کورس
یوجی سی اکیڈیمک اسٹاف کالج مولاناآزاد نیشنل اُردو یونیورسٹی کے زیراہتمام ڈگری کالج، پی جی کالج اور یونیورسٹی کے اُردو اساتذہ کے لیے 4/فروری تا 24/فروری 2015 اُردوریفریشرکورس کا انعقاد عمل میں آئے گا۔ اس ریفریشر کورس کا موضوع ’’ دکنیات اور لسانیات‘‘ ہے۔ واضح رہے کہ اس موضوع پر بہت کم ریفریشرکورس منعقد کیے گئے ہیں۔ اس موضوع پر ملک کے ماہرین کو لیکچرز کے لیے مدعو کیا جائے گا۔ اس ریفریشر کورس میں شرکت کے خواہش مند اساتذہ سے درخواست کی جاتی ہے کہ یوجی سی اکیڈیمک اسٹاف کالج مولاناآزادنیشنل اُردویونیورسٹی کی ویب سائٹ www.manuu.ac.inسے درخواست فارم ڈاون لوڈ کریں۔ درخواستیں آن لائن بھی بھیجی جاسکتی ہیں۔ مزید تفصیلات کے لیے یوجی سی اکیڈیمک اسٹاف کالج 040-23008313یا 09490784290سے ربط پیدا کریں۔
